Nøkur finnast at og onnur taka undir við átøkunum.

Tað er ikki av ongum, at tað eru nøkur av teimum fakliga sterkastu fólkunum, sum stýra átøkunum. Tað er epidemikommissión, sum hevur avgerandi orðið. Tey, sum manna epidemikommissiónina eru landfútin, landslæknin, landsdjóralæknin, stjórin á Gjaldstovuni, stjórin á Heilsufrøðiligu Starvsstovuni umframt tríggir limir, valdir av
landsstýrinum, mær vitandi 3 aðalstjórar.

Tá vitanin og fakligi kunnleikin, sum hesi høgt útbúnu fólkini hava, alt verður lagt á sama borð, er tað neyvan nakar í hesum landi, sum samanlagt veit meiri enn hesi tilsamans.

"Um einhvør tykist at kenna nakað, tá kennir hann enn ikki soleiðis, sum hann eigur at kenna tað," skrivar hin vísi Paulus til Korintmenn. Seinni skrivar hann eisini, at "vit skyna í pørtum". Soleiðis eru vit menniskjur innrættað, at vit síggja best okkara egna útsýni, og hava trupult við at síggja tað, sum onnur síggja.

So hvørt, sum átøkini verða kunngjørd og so hvørt sum upplýsingarnar koma fram, gerist eg alsamt meiri fegin um, at vit hava so mong skilagóð og fakliga sterk fólk í Føroyum. Og eg fegnist um, at okkara landsstýri og hvørt einstakt landsstýrisfólk hava víst virðing fyri avbjóðingunum og teirri ráðgeving, sum áhaldandi verður givin.

Bill Justinussen

Myndina eigur: in.fo (Álvur Haraldsen)