Munnligur fyrispurningur eftir § 52 í Tingskipanini

Spyrjari: Jenis Kristian av Rana, løgtingsmaður
Svarari: Jacob Vestergaard, landsstýrismaður í samferðslumálum
Evni: Undirsjóartunnil til Suðriar

Spurningar:

1. Stendur sitandi samgongu samd aftanfyri ta samtykt um Suðuroyartunlin, sum farna landsstýrið legði fyri Løgtingið og sum ein stórur partur av Løgtinginum samtykti h. 25. februar 2026?

2. Er Landsstýrismaðurin vitandi um, um politiskar ella aðrar ætlanir eru um at fremja broytingar í samtyktu ætlanunum?

3. Veit landsstýrismaðurin at siga, hvussu gongst við fyrireikandi og projekterandi arbeiðinum? Um hetta gongst eftir ætlan ella ikki?

4. Nær væntar landsstýrismaðurin at uppskot um Suðuroyartunlin verður lagt fyri Løgtingið aftur?

Viðmerkingar:
Í fyrradagin var hálvársdagur síðani Føroya Løgting, h. 25. februar 2026, við 26  atkvøðum fyri og 7 atkvøðum ímóti samtykti Løgtingslóg um fyrireiking, prosjektering og útboð av Suðuroyartunlinum við tilhoyrandi tunnilskervum og vegakervum.

Síðani hesa samtykt hevur nýggj samgongu og nýtt landsstýri tikið yvir. Ómetaliga, ja misteinkiliga lítið, vilja nøkur verða við, hevur hesar 6 mánaðarnir verið at hoyrt um hesa tídningarmiklu og metstóru risaútbygging av Føroyska undirstøðukervinum. Her verður hugsað um, at so gott sum ongi lívstekin eru hoyrd ella sæð um ætlanirnar, hvørki í samgonguskjalinum, løgmansrøðuni ella føroyska politiska orðaskiftinum sum heild.

á Løgtingi, h. 24.08.2026
Jenis av Rana