Alheimslistin 2020 hjá Open Doors almannakunngjørdur
Jenis av Rana var í dag saman við Løgmanni og øðrum Landsstýris og tingfólkum í Bispagarðinum, har Bispur, Jógvan Fríðriksson, var vertur fyri samkomu, sum felagsskapurin Open Doors skipaði fyri.
Tað var í samband við, at Alheimslistin (World Watch List) 2020 hjá Open Doors varð almannakunngjørdur. Alheimslistin kastar ljós á støðuna hjá forfylgdum kristnum kring heimin.
Um Open Doors:
Í stuttum arbeiðir Open Doors við, at varpa ljós á støðuna hjá atsóknum kristnum. Eisini arbeiður felagsskapurin, millum annað, serliga nógv við, at hjálpa fólki, sum hava fingið sálarløst av eitt nú kríggi. Øll fáa hjálp, eisini tey sum ikki hava eina kristna fatan. Eitt sum Open Doors leggur serligan dent á er, at hjálpa á staðnum við serkønari sálarviðgerð. Til ber at fylgja við Open Doors Føroyar á hesari leinkju:
https://www.facebook.com/ODFOROYAR/
Á myndini eru Jenis av Rana, Landsstýrismaður, Jógvan Fríðrikson, Bispur og Rói Norðoy, umboðsmaður Open Doors Føroyar.