31. januar 2023

Jenis av Rana formaður í Útnorðurráðnum

Farna hósdag var fyrsti fundur hildin í nýggju føroysku Útnorðurráðsnevndini. Í ráðnum eru limir úr øllum flokkum á Løgtingi.

Farna hósdag var fyrsti fundur hildin í nýggju føroysku Útnorðurráðsnevndini. Í ráðnum eru limir úr øllum flokkum á Løgtingi.

Tey, ið manna føroyska ráðið, eru:

Henrik Old, umboð Javnaðarfloksins
Eyðdis Hartmann Niclasen, umboð Sambandsfloksins
Erling Eidesgaard, umboð Tjóðveldis
Bárður á Lakjuni, umboð Fólkafloksins
Karlot Hergeirsson, umboð Framsóknar
Jenis av Rana, umboð Miðfloksins

Á fundinum skipaði ráðið seg við Jenis av Rana úr Miðflokkinum sum formanni og Henrik Old úr Javnaðarflokkinum sum næstformanni. Avtala er gjørd millum samgongu og andstøðu, at Jenis av Rana er formaður fyrstu tvey árini av valskeiðinum og Henrik Old seinnu tvey árini.

Sama dag var fundur í formansskapi Útnorðurráðsins. Talan var um netfund, og luttóku teir tríggir formenninir fyri íslendsku, grønlendsku og føroysku sendinevndina saman við aðalskrivaranum og teimum trimum landsnevndarskrivarunum.

Høvuðsevnið á hesum fundinum var Temaráðstevna Útnorðurráðsins, sum verður í Føroyum í døgunum 6.- 10. februar. Ráðstevnan verður á Hotel Hafnia og høvuðsevnið er matvøruveitingartrygd og sjálvbjargni í Útnorði.

Tíðindi

10. januar 2024
Enn eitt álop frá ”javnstøðunevndini” á ófødda barnið
”Javnstøðunevndini” dyljur ikki politiskt litaða virksemi sítt.
8. januar 2024
Ein sorgardagur
Í okkara daprastu stúranum droymdu vit í Miðflokkinum ikki um, at hetta kundi gerast úrslitið.
3. januar 2024
Hagtøl ella sannleiki?
Ein lítil viðmerking til hagtøl í Sosialinum yvir uppmøting hjá løgtingslimum.
6. desember 2023
Steffan spyr Bjarna
Neyðhjálp til armenar úr Nagorno-Karabakh
6. desember 2023
Jenis spyr Sirið
Málsviðgerðartíð av umsóknum um fyritíðarpensjón