22. desember 2021

Jólagávan frá andstøðuni

Alt gott um at geva gávur, men vita føroyingar hvat er í gávuni til LGBT?

Andstøðan fegnast í hesum døgum um, at hava givið LGBT Føroyar eina jólagávu. Alt gott um at geva gávur, men vita føroyingar hvat er í gávuni til LGBT? Og er tað nakað, sum eitur ein ókeypis jólagáva?

 
Hendan jólagávan, ið er givin LGBT, er sera væl innpakkað í fleiri løg av gávupappíri. Hon er pakkað inn í reytt kærleiks-pappír, brúnt javnstøðu-pappír og grønt grundleggjandi rættinda-pappír. Her er so tjúkt av gávupappíri, at borgarin ikki eingongd veit, um talan er um ein harðan ella bleytan pakka.

Fjølmiðlarnir skuldu havt stóran áhuga fyri at lýst innihaldið í jólagávuni, men teir hava hinvegin sett seg saman við andstøðuni at pakka inn. Ja, sanniliga ein væl innpakkað gáva, ið bleiv send til LGBT í ár.

Ongin gáva er ókeypis. Heldur ikki gávur, sum innihalda rættindi. Fær ein ávísur bólkur nøkur rættindi, so ávirkar hetta rættindini hjá øðrum samfelagsbólkum. Hesum sleppa vit ikki undan.

Hvør hevur so goldið fyri hesa nógv umtalaðu jólagávuna? Jú, rokningin bleiv send til nøkur ávís børn í samfelagnum. Á rokningini stendur millum annað: “Tú hevur mist rættin til at kenna títt upphav”.

Her at enda kunnu vit spyrja okkum sjálvi: Hvør skal gjalda fyri næstu (jóla)gávuna til LGBT?

Eg, og fleiri við mær, fara at gera alt fyri, at slíkar rokningar ikki vera sendar út í samfelagið aftur.

Steffan Klein Poulsen,

løgtingsmaður fyri Miðflokkin
 
 
 

Tíðindi

21. mars 2024
Ein til tann komandi føroyingin ..
Røðan hjá Jenis Kristjan Av Rana um at verja ófødda barnið.
21. mars 2024
Verja ófødda barnið
Røðan hjá Steffan Klein Poulsen 21. mars 2024
6. mars 2024
Valdagurin er dagur barnsins!
Stúran og ótryggleiki merkir dagarnar, nú uppskot er á veg, sum ætlanin er skal taka rættin til lívið frá ófødda barninum
10. januar 2024
Enn eitt álop frá ”javnstøðunevndini” á ófødda barnið
”Javnstøðunevndini” dyljur ikki politiskt litaða virksemi sítt.
8. januar 2024
Ein sorgardagur
Í okkara daprastu stúranum droymdu vit í Miðflokkinum ikki um, at hetta kundi gerast úrslitið.