18. mars 2021

Myndir frá landsfundinum

Miðfokkurin hevði ein uppbyggjandi og lovandi landsfund Grækarismessudag. Her ein frágreiðing og nakrar myndir.

Grækarismessudag hevði Miðflokkurin landsfund sín fyri 2021 í skúlanum á Fossanesi.

Út móti seksti fólk høvdu leitað sær norður til fundar, harímillum vóru nógv nýggj andlit at síggja. Kjakið var lívligt, hugaligt og frameftirlítandi.

Løgtingsmenninir, Stefan Klein Poulsen og Bill Justinussen, greiddu frá løgtingsarbeiðinum og formaðurin, Jenis av Rana, frá arbeiðinum sum landsstýrismaður.

Fundarfólkið fegnaðist um avrik floksins í samgonguni, og eggjaðu politikarunum at halda á við stríðnum at tryggja øllum føroyingum tíðarhóskandi bústað og virðiligar sosialar umstøður. 

Dentur varð lagdur á týdningin av tryggum útbúgvingarmøguleikum, og harmast varð um ótryggleikan, ið mong siga frá á barnaverndarøkinum.

Vána støðan, ið botnfiskaflotin er staddur í, fekk eisini rúmd, og loysn av trupulleikanum varð umrødd. 

Fegnast var um sendistovuna í Ísrael og góðu og styrktu støðu Føroya á uttanríkispolitiska økinum.

Formaður teirra ungu, Aksel Berg, greiddi frá ovurstóra týdninginum Miðflokkurin hevur í føroyskum politikki, og hann eggjaði ungum at gerast aktivir luttakarar í samfelagsligu menningini.

Nevndarval var á skránni, í nýggju nevndini sita:
Mia av Kák Joensen,
Aksel Berg
Danjal av Rana
Rani Skaalum
Fimmbogi Poulsen
Jenis av Rana

Varalimir: Jóhannes Miðskarð og Leif Høj

 

 

 

 

 

 

 

 

Tíðindi

11. mars 2021
Skráin fyri Landsfundin
Skráin fyri dagin sær soleiðis út.
18. februar 2021
Landsfundur Miðfloksins
Landsfundurin verður á skúlanum á Fossanesi 12. mars
3. februar 2021
RÚSEVNI FLOYMA INN Í OKKARA LAND
Í hesum sambandi, hevur Miðflokkurin fleiri ferð lagt uppskot fram, um m.a. at styrkja eftirlitið við okkara landamørk.
23. januar 2021
SAMGONGUSKJALIÐ ER GRUNDARLAGIÐ UNDIR SAMGONGUNI
Steffan Klein Poulsen hugleiðir um politisku støðuna
21. januar 2021
Samstarvið ímillum Føroyar og USA heldur fram
Tað ávirkar ikki Føroyar at USA hevur fingið nýggjan forseta, sigur Jenis av Rana, landsstýrismaður í uttanlandsmálum