Landsfundur Miðfloksins verður í ár hildin í skúlanum á Fossanesi 12. mars, ársdagin fyri at korona legði landið lamið. Síðan tá er landsfundurin útsettur tvær ferðir, so vit vóna, at 12. mars verður dagurin, tá landsfundurin hesa ferð kann verða hildin.

Fundurin er settur at byrja kl. 17.00, men frá kl. 16.00 er matur at fáa.

Umframt vanligu mannagongdirnar sambært viðtøkunum, koma Jenis av Rana, Bill Justinussen og lokala bragdið Steffan Klein Poulsen at greiða frá politiska arbeiðinum. Eisini verður andakt og sangur á skránni.

Miðjað verður eftir, at fundurin er lokin kl. 20.00. Eftir fundin verður borðreitt við døgurða.