14. mai 2020

Brýtur løgmaður stýrisskipanina?

Fjarskifti hevur onki við korona at gera.

§54 í Stýrisskipanini áleggur løgmanni at ráðføra seg við uttanlandsnevndina, áðrenn avgerðir verða tiknar, ið hava stóran uttanlandspolitiskan týdning. Og somuleiðis skal løgmaður ráðføra seg við uttanlandsnevndina í sambandi við samráðingar við ríkismyndugleikarnar í málum, sum hava stóran týdning fyri viðurskiftini Føroya og Danmarkar millum.

Tað hevur løgmaður ikki gjørt, nú hann av óskiljandi grundum hevur flutt málsøkið fjarskifti á danskar hendur, hóast fjarskifti er yvirtikið málsøki.

Sum formaður í uttanlandsnevndini góðtaki eg ikki slíka framferð. Kanska er løgmaður ruraður í blund av korona, nú landsstýrið meir og minni uttan um Løgtingið hevur tikið sær skerpaðar heimildir at stýra samfelagnum. Hetta hevur Løgtingið tigandi góðtikið, tí í kreppum skulu vit standa saman.

Men fjarskifti hevur onki við korona at gera,og skal løgmaður tí halda seg til ásetingarnar í Stýrisskipanini.

Tí má løgmaður beinanvegin biðja um ráðførslu í Uttanlandsnevndini, so hesin kavabólturin kann steðgast, um tað verður úrslitið.

Bill Justinussen
Formaður í Uttanlandsnevndini

Tíðindi

21. januar 2021
Samstarvið ímillum Føroyar og USA heldur fram
Tað ávirkar ikki Føroyar at USA hevur fingið nýggjan forseta, sigur Jenis av Rana, landsstýrismaður í uttanlandsmálum
19. desember 2020
Lovandi veljarakanning
Miðflokkurin gongur fram í nýggjastu veljarakanningini.
16. desember 2020
Skilji væl at landsstýrismaðurin tók hesa avgerð
Viðmerking hjá Jóhannes Miðskarð, fakmanni á lærara og námsfrøðiliga økinum, um avgerðina hjá Jenisi av Rana um ikki at játta stuðul til fil…
16. desember 2020
Yngstu veljarnir taka undir við avgerðini hjá Jenisi av Rana
Spyr.fo hevur í eini kanning spurt 500 fólk henda spurningin: “Ert tú samd(ur) í avgerðini hjá Jenisi av Rana um ikki at játta stuðul úr lan…
7. desember 2020
Hví bannast tey ikki í Kringvarpinum??
Er tað sensurur, tá tað ikki er loyvt at bannast í almenna Kringvarpinum?