Grein 52 a fyrispurningur til landsstýriskvinnuna í almannamálum.

Hvussu fer landsstýriskvinnan at tryggja framhaldandi miðnámstilboð til tey fáu børn við serligum tørvi, sum enn ikki hava fingið bjóðað pláss á teim serbreytum tey hava søkt inn á?

Viðmerkingar

Harmaljóð ljóðar í hesum ríku tíðum frá børnum við serligum tørvum og foreldrum teirra, tí hesi hava fingið avslag uppá umsóknir um framhaldandi skúlamenning og eftir øllum at døma verða skyld frá vinfólkum sínum og mugu lata sær lynda ansingar- heldur enn menningar og skúlatilboð.

Hendan gongdin er jú í størstu andsøgn við politisku og samfelagsligu ætlaninar seinnu árini, har menning og sjálvbjargni hava verið aðalmál fyri eisini hendan bólkinum av samfelagsborgarum. Og líta vit at fólkaskulalógini, fyri ikki at siga Barnarættindar-sáttmálanum hjá ST, ið Føroyar hava undirskrivað, so eru hesi ungu so sanniliga eisini fevnd av tí rætti, hesi tryggja.

Jenis av Rana
Løgtingsmaður f. Miðflokkin