Klokkan var 18.17.35 í gjárkvøldið h. 14. juni 2026, tá ein av propanadarøðarum muslima, p.t. vikarierandi tíðindaframleiðari og upplesari í Kringvarpi Føroyar, vælnøgdur bar omanfyri endurgivnu mergaðu takkarkvøðu sína fram til útvalda gest sín í kvøldartíðindasending útvarpsins.

Tá hevdi gesturin trúfastur, og sum best bar til og eftir munni spyrjarans, svarað einum vegleiðandi Ísraels- Trump og Netanyahuhatandi spurningi fyri og øðrum eftir í samfullar 13 minuttir og 9 sekundir av einari tíðindasending, ið vardi 18 min. og 56.

Fyribils og fyrstu spurningarnir mugu verða:

Er tað nú hent, tað, sum leingi hevur verið ávarða ímóti?

Hevur Kringvarpsleiðslan loksins givið skarvin yvir, slept endanum og yvirlatið høvuðstíðindaberara okkara í hendurnar á totalt ábyrgdarleysum, miðvíst manipulerandi og frítt politiserandi monnum og kvinnum?