6. desember 2023

Steffan spyr Bjarna

Neyðhjálp til armenar úr Nagorno-Karabakh

Munnligur fyrispurningur eftir § 52 í Tingskipanini

Spyrjari: Steffan Klein Poulsen, løgtingsmaður
Svarari: Bjarni Kárason Petersen, landsstýrismaður í lógarmálum
Evni: Neyðhjálp til armenar úr Nagorno-Karabakh

Spurningar:
1. Hví hevur landsstýrismaðurin ikki latið neyðhjálp til armenar úr Nagorno-
Karabakh?
2. Hevur landssstýrismaðurin ætlanir um at lata neyðhjálp til armenar úr
Nagorno-Karabakh?
3. Eftir hvørjum leisti letur landsstýrismaðurin neyðhjálp?

Viðmerkingar:
Tað hevur verið latin neyðhjálp til fleiri lond, sum eru rakt av kríggi og náttúruvanlukkum. Ukraina, Sýria og Turkaland, Afganistan, Ísrael og Palestina eru nøkur av londunum, sum hava fingið neyðhjálp úr Føroyum.
Ræðuleikarnir mótvegis armenum vóru í hæddini síðst í september í ár, tá ið Aserbadjan framdi eitt ógvisligt álopskríggj ímóti umstrídda økinum Nagorno- Karabakh. Hetta álopið og stóra flýggjanin hjá armenum úr hesum økinum, sum ein avleiðing av álopinum, var væl lýst í føroysku miðlunum. Landsstýrismaðurin hevur
tó ikki reagerað uppá hesa neyðstøðu, eins og hann hevur gjørt í fleiri øðrum syndarligum støðum kring heimin. Tí verður hesin fyrispurningur settur.

Á Løgtingi, 6. desember 2023
Steffan Klein Poulsen

Tíðindi

6. juni 2024
Jenis spyr Margit
WHO og Føroyar
29. mai 2024
Læntir fjaðrar og hálvir sannleikar frá løgmansflokkinum
Greininskrivarin hjá javnaðarflokkinum, hann dugir at balancera á markinum millum tað veruliga og dreymakenda.
16. mai 2024
Almennur fundur
Støðutakan til býráðsvalini
7. mai 2024
Ein vinarlig áheitan frá Miðflokkinum til foreldur og lærarar.
30. apríl 2024
Jenis spyr Margit
Endin á fosturtøkuni