• Hvussu skal fosturtøkulóggávan skipast í Føroyum?
• Hvussu skipar mann eina fosturtøkulóg, ið tekur atlit til barnið?
• Eru nøkur undantøk, ið burdu givið loyvi til at fremja fosturtøku?
• Er fosturtøka í høvuðsheitum ein politiskur ella samfelagsligur spurningur?
• Fer tað at eydnast at finna politiska semju um eina fosturtøkulóg?

Hesar spurningarnar og nógv annað fara vit at umrøða komandi mikukvøld tann 18. oktober kl 20 í Skótahúsinum við Løkin í Runavík. Í løtuni arbeiðir politiska skipanin við at endurskoða fosturtøkulóggávuna og nógv bendir á, at hetta málið kemur at fylla meira í almenna kjakinum komandi tíðina.

• Steffan Klein Poulsen, løgtingslimur, kemur at greina politisku støðuna og arbeiðið hjá Landsstýrinum við at endurskoða fosturtøkulógina.
• Umboð frá Pro Vita hava upplegg og hjálpa okkum at svara omanfyrinevndu spurningum.
• Aksel Berg, lækni, kemur at fortelja um fosturmenning og greiða frá núverandi fosturtøkulóggávu í mun til okkara grannalond.

Tiltakið byrjar kl 20.00 og øll eru hjartaliga  vælkomin til Skótahúsið við Løkin í Runvík.