Í morgun sendi Jenis av Rana niðanfyri avritaðu "heilsan" til Føroya bisp, sum var skjótur at svara løgtingsmanninum, m.a. at: "eg svari innan rímiliga tíð onkursvegna".

Jenis svarar soleiðis aftur til viðmerkingina á Facebook:

- so nú bíði eg spentur eftir svari hansara til fyrst og fremst óføddu børnini, sum jú eru komandi føroyska ættarliðið .

Spurningurin til Føroya Bisp:

 
"Hey tit á Bispaskrivstovuni- eg vóni onkur tykkara kann víðaribera hesa heilsan til bisp:

Góði Jógvan- eg havi mínar royndir av fjølmiðlafólki, so eg velji at trúgva, at tú er skeivt endurgivin!

Kanst tú vinarliga, ikki bert yvirfyri mær, men fyrst av øllum sum ein heilsan til ófødda barnið frá Føroya biskupi- og til føroya fólk annars- avsanna niðanfyri endurgivnu orð?

atb.
Jenis

”Tað stutta av tí langa “Tað kann ikki vera politiska valdið, átrúnaðarliga valdið ella skipanin annars, sum skal taka støðu til, nær ein kvinna skal hava eina abort. Tað má kvinnan sjálv finna útav”, sigur Jógvan Fríðriksson, Føroya bispur, í nýggjum parti av poddvarpsrøðini “Vit hava tikið abort”. Frí abort? Hvat liggur í hugtakinum “frí abort”? ”

Enn hevur Bispur ikki læti frætt frá sær.