Jenis av Rana verður formaður í Útnorðurráðnum næsta árið.

Kim Kielsen úr Grønlandi verður fyrri næstformaður, og Steinunn Tóra Árnadóttir úr Íslandi verður seinna næstforkvinna.

Útnorðurráðið hevur sín 39. ársfund í Reykjavík í hesum døgum.

Ráðið viðger millum annað ferðavinnu, sjálvbjargni í matframleiðslu, ung í Útnorðri, hvalaveiðu, veðurlagsbroytingar, Arktis og samstarv yvirhøvur. 

Og á fyrsta sinni bjóðar ráðið almenninginum til tiltak í Norðurlandahúsinum í Reykjavík.

Evnið á tí tiltakinum er samstarv í útnorðri.

Tekstur: kvf.fo / Mynd: Bjarni Árting Rubeksen