Eg havi tikið avgerð um at stilla upp fyri Miðflokkin til komandi løgtingsval ????

Tað er týdningarmikið, at vit, ið eru trúgvandi, skula taka ein avgerðandi leiklut í at mynda okkara samfelag. Eg vil verða við til verja tey kristnu virðini og arbeiða fyri, at Føroyar ikki verða hálaðir í ein liberalan veg.

Míni hjartamál eru at styrkja okkara heilsuverk, at gera gerandisdagin lættari og tryggari fyri tí føroysku barnafamiljuna og so er mítt størsta ynski, at Løgtingið verjur okkara óføddu børn og staðfestur við lóg, at rætturin til lívið er absoluttur.

Eg havi í mínum virki sum lækni arbeitt ymsastaðnis í føroyska heilsuverkinum. Hetta gevur mær ein politiskan styrki, tí eg kenni bæði okkara veikleikar og avbjóðingar í heilsuverkinum, men eisini tær spennandi møguleikar vit hava fyri menning.