Lívið er ein gáva
Mannarætturin framum øll onnur rættindi er rætturin til lívið. Hetta er ikki bara galdandi fyri Føroyingar, men eisini danir og allar aðrar borgarar kring heimin.
Lívið kann verða hart, men lívið er eisini gott. Lívið er ein gáva. Hvørji eru vit at taka avger um, hvør skal fáa hesa gávu?
Lívið skal verjast frá gitnaði til náttúruligan deyða. Sleppa vit hesum prinsippinum, so fer alt á glið. Í Danmark hava tey fría fosturtøku upp til 12. viku, í Íslandi upp til 22. viku og aðrastaðni uppaftur longri.
Tað eru eingir vinnarar í einari fosturtøku. Ófødda barnið, mamman og pápin standa øll sum taparar. Samfelagsliga vinna vit heldur onki. Demografisku avbjóðingarnar eru nóg stórar sum er.
Eg vil ikki innflyta fríu fosturtøkuna úr Danmark, men fari at stríðast fyri ófødda barninum, á øllum pallum eg sleppi framat. Eisini á Fólkatinginum.
Steffan Klein Poulsen
Valevni fyri Miðflokkin til Fólkatingsvalið 2022