Vitjan úr Norður Korea
Miðflokkurin heilsaði uppá Timothy, úr Norður Korea, í samband við Føroyavitjan hjá Open Doors.
(myndir eru niðast)
Tingfólk og Landsstýrisfólk vóru til staðar, tá ið Timothy greiddi frá sínum sera áhugaverda lívi. Hann greiddi eisini søguni í landinum, hvussu Norður Korea er skipa og eisini frá livikorunum í Norður Korea.
Eftir framløguna, varð farið oman í Tinganes, har Jenis av Rana, vísti Timothy og umboðum úr Open Doors, runt í Uttanríkisráðnum. Serliga áhugavert er - í hesum sambandi - at hølir í Uttanríkisráðnum var nýtt sum fongsul "í fornum tíðum". Millum annað sat Fischer Heinesen fastur har.
At enda sótu vit saman um borið á skrivsstovuni hjá Landsstýrismannium. Her greiddi Landsstýrismaðurin frá nakað at tí arbeiði, hann ger sum Uttanríkisráðharri. Serliga var Timothy bergikin av sólskinssøguni um sendistovuna í Ísrael, og hvussu Føroyar nú útflýta laks til Ísrael.
Løtan var serstøk; Timothy hevði júst greitt frá, hvussu mangan hann sat í fonglsi, og nú sótu vit í einum av frælsastu londunum í heiminum, í einum Landsstýrishølum, sum einaferð varð nýtt sum fongsul. Vit vóru takksom og takkaðu Skaparanum.
Timothy hevur vitja kirkur og samkomur í Føroyum seinastu dagarnar, har hópur av føroyingum hava haft høvi at heilsa uppá Timothy. Í kvøld kl. 19.00 vitjar hann Vesturkirkjuna í Havn og í næstu viku gongur leiðin til Danmarkar, har hann millum annað vitjar á Christianborg, har skal hann hittað til dømis Mette Fredrikssen, forsetisráðharra.