21. januar 2021

Samstarvið ímillum Føroyar og USA heldur fram

Tað ávirkar ikki Føroyar at USA hevur fingið nýggjan forseta, sigur Jenis av Rana, landsstýrismaður í uttanlandsmálum

Joe Biden er tikin í eið sum amerikanskur forseti. Men Jenis av Rana, landsstýrismaður í uttanlandsmálum, er sannførdur um, at tað fer ikki at ávirka viðurskiftini ímillum Føroyar og USA, at USA nú hevur fingið nýggjan forseta. 

Jenis av Rana ásannaði í úvarpinum hjá FM1, at forsetavælevnini bæði í USA, Joe Biden og Donald Trump, hava verið rættiliga ósamdir, men hann ivast í um tað hevur stungið so djúpt í sambandi við viðurskiftini ímillum USA og Føroyar, og USA og Arktiskt.

Hetta seinasta árið hava Føroyar og USA arbeitt fyri at menna samstarvið, og Jenis av Rana ivast ikki í, at tað fer at halda fram óbroytt. Eitt nú hevur verið arbeitt fram ímóti at stovna eina føroyska sendistovu í Washington og Jenis av Rana dugir ikki at síggja, at forsetaskiftið fer at ávirka tað upp á nakran máta.

Hann væntar heldur ikki, at forsetaskiftið fer at ávirka trygdarpolitisku viðurskiftini. Har hava Norðuratlandshav, og Arktiskt, ein týðandi leiklut í stríðnum ímillum stórveldini og Jenis av Rana væntar ikki, at amerikanarar fara at broyta kós.

kelda: in.fo / mynd:ummr.fo

Tíðindi

18. februar 2021
Landsfundur Miðfloksins
Landsfundurin verður á skúlanum á Fossanesi 12. mars
3. februar 2021
RÚSEVNI FLOYMA INN Í OKKARA LAND
Í hesum sambandi, hevur Miðflokkurin fleiri ferð lagt uppskot fram, um m.a. at styrkja eftirlitið við okkara landamørk.
23. januar 2021
SAMGONGUSKJALIÐ ER GRUNDARLAGIÐ UNDIR SAMGONGUNI
Steffan Klein Poulsen hugleiðir um politisku støðuna
19. desember 2020
Lovandi veljarakanning
Miðflokkurin gongur fram í nýggjastu veljarakanningini.
16. desember 2020
Skilji væl at landsstýrismaðurin tók hesa avgerð
Viðmerking hjá Jóhannes Miðskarð, fakmanni á lærara og námsfrøðiliga økinum, um avgerðina hjá Jenisi av Rana um ikki at játta stuðul til fil…