9. november 2020

Strammaðu yvirskrivtina, kvaldu sannleikan

Fyri meg snýr tað seg um at fáa rætta ein órætt, mær hevur verið fyri og sum tann, ið gjørdi órættin, av øllum alvi roynir at krúpa undan.

Yvirskriftin rann fram fyri meg, sum eg setti meg at lesa lesarabrævið frá kringvarpsleiðsluni, brævið kann lesast á VP.FO.

Her gloppar leiðslan dyrnar fyri einari møguligari orsøk til at Public Service stovnurin tvær ferðir í farnu viku legði mær orð í munn, sum eg als ikki havi sagt.

Leiðslan lancerar eitt fyri mær ókent fyribrygdi: at yvirskriftin kann hava verið strammað!

Her tykist svarið til spurning mín at hómast, og kanska síggja vit tað enn klárari, tá leiðslan vónandi grípur í egnan barm, gevst við uttanumtosinum og svarar spurninginum.

Spurningunum um, hví eg ikki varð spurdur teir spurningar, sum kundu givið grundarlagið fyri yvirskrift teirra - men aðrar.

Var tað kanska tí at tey ikki vóru vís í at fáa eitt svar, sum kundi grundgivið yvirskriftina?

Tíverri ja, eftir øllum at døma.

Fyri meg snýr tað seg ikki um eitt stríð um eina yvirskrift, sum leiðslan so hástór endar lesarabrævið við.

Fyri meg snýr tað seg um at fáa rætta ein órætt, mær hevur verið fyri og sum tann, ið gjørdi órættin, av øllum alvi roynir at krúpa undan.

So mikið burdu væl lærd fólk vita, at tú einki tapir við at viðganga feilir, tvørturímóti.

At krúpa undan og ikki vilja viðganga mistøk hevur ongantíð ført nakað gott við sær.

Nakni veruleikin er, at Kringvarpið skuldsetur meg fyri at hava sagt:

* at Donald Trump hevur sama virðisgrundarlag sum sitandi samgonga

* at Donald Trump umboðar virðisgrundarlagið hjá samgonguni

* og at føroyski uttanríkisráðharrin vónar, at tað verður Donald Trump, sum endar sum sigurðsharri

Onki, onki av hesum havi eg sagt!!!

Um Kringvarpið ynskti meting mína av forsetavalevnunum báðum, hví varð so ikki spurt um hana?

Hví varð ikki spurt beinleiðis við nøvnum ella presidentheiti um, hvønn eg ynskti valdan?

Tað hevði ikki staðið á at fingið svar, men so hevði kanska verði neyðugt at broytt ikki bert yvirskriftina, sum kanska var gjørd áðrenn (?), men eisini tað strammaðu, hana sum kvaldi sannleikan.

Og omaná alt hevði søgan um stríð í samgonguni tá verði virðisleys.

Jenis av Rana

Tíðindi

8. mai 2021
Ein spurningur um radara – ikki annað
Ingi Samuelsen skrivar eina stutta og greiða oddagrein í Portal.fo blaðnum Vikuskiftið - og vit endurgeva:
4. mai 2021
Lógin má endurskoðast
Tað eru 120 umsorganaryvirtikin børn í Føroyum og svarar hetta til áleið 1% av øllum børnum í okkara landi.
3. mai 2021
Almennur fundur
Almennur fundur verður í Leirvík 4. mai kl. 19.00
23. apríl 2021
20.000 kr. til fyribyrgjandi fyriskipanir røkka ikki langt
Tølini kundu bent á, at talan ikki er um eina skipan, ið arbeiðir fyri at hjálpa og fyribyrgja.
17. apríl 2021
Meirilutin í Rættarnevndini ynskir eisini barnaváttan
Jenis arbeiðir longu við málinum og hevur bíðað eftir dønum, sum skuldu broyta eina kunngerð.