Álitið frá fíggjarnevndini er komið - 15 mió. til tunlarnar norður um fjall í 2020.

TNF hava fingið nógva umtalu seinastu dagarnar, av tí at Jørgen Niclasen segði, at ongar nýggjar íløgur verða gjørdar í 2020. Hetta skapti eina øðiliga baladu, tí allir flokkar høvdu jú lovað at raðfesta TNF.

Eg valdi ikki at úttala meg í fjølmiðlunum, tí eg vil brúka orkuna, har tað gevur meining. Í hesum førinum inni á Løgtinginum.

Nú er álitið komið út og vit kunnu staðfesta, at vit eru farin frá 0 kr. til 15 mió. kr. (Viðhefta myndin gevur eina ábending um hvussu hesar 15 mió. skulu brúkast.)

Um hetta verður stemmað ígjøgnum komandi dagarnar, verður gongd sett á TNF í 2020.