Umboð Miðfloksins fara miðvíst at virka fyri:

- at hjartað verður sett fremst í samskiftinum við borgaran.

- at virðing og kærleiki til hin einstaka verður raðfest framum asfalt, betong, skrivstovuveldi og egin áhugamál!

- at borgari undir 15 ár, sum ikki fær sálarfrøðihjálp goldna av skipan landsins, fær hesa goldna av kommunu sínari.

- at kommunan noktar at ung ella børn verða send í fremmand lond vegna aðrar orsøkir enn lívshóttandi!

- at barnafrádrátturin í kommunuskattinum hækkar eyka fyri hvørt barnið, fleiri enn tvey.

- at frítíðarkort verða veitt børnum og ungum til frítíðartilboð.

- at skipanin “Barn” verður tillagað føroysk viðurskifti, so tilmelding til dagstovnar gerst smidligari.

- at starvsfólk á barnamenningarøkinum kunna arbeiða 30/70, tvs. 30% “egintíð” og 70% saman við børnunum.

- at sosialar íbúðir við leigugjaldi svarandi til inntøku verða bjóðaðar teim, ið tørva.

- at børn við serligum tørvi fáa serkøna vegleiðing, stuðul og hjálp frá føðing og so leingi tørvur er.

- at smábygdirnar í kommununi verða hoyrdar og virdar.

- at hitastigini í svimjihøllini verða økt, so børn trívast í hyljunum.