20. juni 2024

Jenis fingið svar ....

... men tað hevur ikki nógv uppá seg ...

Svar upp á Fyrispurning nr. 52-126/2023 eftir § 52 a í tingskipanini, um vitjan á WHO aðalfundi, frá Jenisi av Rana, løgtingsmanni.

Spurningar vóru soljóðandi:


- Hvørjar av ætlaðu broytingunum í viðtøkunum og ískoytum hjá WHO vórðu samtyktar?

- Hvørji sjónarmið bar landsstýriskvinnan, Føroya og føroyinga vegna, fram á aðalfundinum hjá WHO?

- Hvussu fara møguligar samtyktar broytingar at ávirka Føroyar og føroyingar? 

 

Svar:
Til spurning 1, 2 og 3
Av tí, at spurningarnir eru nær tengdir hvør at øðrum, havi eg valt at svara teimum undir einum.

Í spurninginum verður víst til mál á skránni fyri ársfundin hjá WHO. Tað verður ikki víst til navngivin mál, men soleiðis sum eg skilji spurningin vísir spyrjarin til arbeiðið við pandemisáttmálanum. Ætlanin var, at arbeiðið við pandemisáttmálanum skuldi verða liðugt, so londini kundu viðgera og avgreiða málið á ársfundinum hjá WHO í 2024.

Arbeiðið at orða ein pandemisáttmála hevur drigið út, og tí var málið ikki búgvi at verða viðgjørt á ársfundinum í 2024. Við støði í hesum samráddust londini um, hvørja lagnu málið við pandemisáttmálanum skuldi fáa. Niðurstøðan frá hesum samráðingum varð, at arbeiðið við at orða eitt uppskot til ein pandemisáttmála heldur fram. Londini samdust um at seta eina nýggja tíðarfreist. Sambært nýggju tíðarfreistini skal arbeiðið at orða eitt uppskot til pandemisáttmála verða liðugt innan eitt ár frá ársfundinum hjá WHO í 2024 at rokna.

Við støði í avgerðini um at útseta málið um pandemisáttmálan, kom málið ikki til atkvøðugreiðslu. Av tí, at málið ikki er avgreitt, ber ikki til at siga hvørja lagnu tað fær frameftir og somuleiðis er ov tíðliga at siga, hvørja ávirkan møguligi pandemisáttmálin kann fara at fáa fyri Føroyar.

Heilsumálaráðið fylgir málinum, og samskiftir regluliga við Indenrigs- og Sundhedsministeriet um gongdina í málinum.

Heilsumálaráðið, 19. juni 2024
Margit Stórá
landsstýriskvinna

Tíðindi

19. juni 2025
Barnaporno og kynslig missnýtslan vaksandi trupulleiki
Barnaporno og kynslig missnýtslan av børnum er ein vaksandi trupulleiki í Føroyum!
27. mai 2025
Tørvur á nýggjum sosial reformi
Miðfloksfólk hava altíð verði røsk at møta upp til ársfundirnar, og í ár var einki undantak.
23. mai 2025
Skráin fyri landsfundin
Landsfundur verður 23. mai
21. mai 2025
John, Tommy og Abbas.
Talan er um tríggjar kendar menn, sum eg nevni í yvirskiftini. Tveir teirra vóru í sjónvarpi Kringvarpsins í gjárkvøldið, har verturin enn e…
5. mai 2025
Tú ert ein klumpur av kyknum.
Eg og tú eru klumpar av kyknum. Støddin á klumpunum er ymisk. Men vit eru øll somul ein systematisk , fíntunað samling av livandi kyknum.