Trýst her fyri at hoyra innslag í KVF:

Búskaparliga javnvágin í Føroyum er nógv skeiklað og broytt, síðani Russland byrjaði sítt vanlukkuliga kríggj móti Ukraina. 

Tað stendur millum annað í viðmerkinginum í uppskot til samtyktar frá Miðflokkinum um at seta á stovn príseftirlit. 

Talan er um hækkandi matvøruprísir, ovurhonds príshækkingar á brennievni, neyðsynjarvørum, streymi og byggitilfari.

Serliga rakar hetta lág-og miðalinntøkubólkarnar, har neyðarrópini gerast fleiri og fleiri, og har neyðin tíverri longu er dagligur og óhugnaligur gestur, sigur Miðflokkurin.

Tingið viðgjørdi uppskotið í gjár, og tað fekk góða undirtøku, eisini frá samgongutinglimum.

Mynd og teksur frá KVF.fo