Miðflokkurin á fundi í Danmark
Kristindemokratanir hava landsfund um vikuskiftið í Middelfart. Miðflokkurin er gestur.
Kristindemokratanir hava landsfund um vikuskiftið í Middelfart. Miðflokkurin fekk innbjóðing til fundin og í hesum sambandi er skrivarin í Miðflokkinum, Ólavur í Geil, til staðar.
Integratión, bíðilistar í psykiatrini og grøna orkuskifti er evnini, sum hava fingið mest umrøðu á fundinum.
Kristindemokratanir hava fingið nýggja vón til um at gera seg galdandi í donskum politikki. Isabella Arendt, sum einans er 28 ára gomul, tók við sum nýggjur formaður í 2019. Og fyrr í ár fekk flokkurin umboð aftur í Fólkatingið, tá ið Jens Rohde fór úr Radikale Venstre og yvir í Kristindemokratanar. Hóast flokkurin hevur haft lítla og onga ávirkan í landspolitikkið seinastu árini, er flokkurin kortini verið virkin í kommunalpolitikki.