Miðflokkurin 3 tinglimir
"Miðflokkurin ‘bjargar’ støðuni hjá samgonguni
Sanniliga gleðilig tíðindi í miðlunum í dag. Í nýggjastu veljarakanningini fær Miðflokkurin 3 tinglimir.
Jenis av Rana hevur gjørt eitt gott arbeiði í Landsstýrinum og Bill Justinussen og Steffan Klein Poulsen hava somuleiðis gjørt eitt megnar arbeiði í Løgtinginum, og hetta sæst aftur í kanningini.
Hetta stendur til á portal.fo um veljarakanningina:
"Hesaferð er tað Miðflokkurin, sum ‘bjargar’ støðuni hjá samgonguni. Miðflokkurin stendur til at fáa 7,7 prosent av atkvøðunum. Tað er tað mesta, sum flokkurin hevur fingið, síðan Portalurin/Blaðið Vikuskiftið fór undir samstarv við Spyr.fo um regluligar veljarakanningar á heysti 2018.
Miðflokkurin fer við hesum góða úrslitinum eisini upp á trý umboð á tingi.
Miðflokkurin staðfestir harvið eisini sína støðu sum tann størsti av teimum smáu, tí Framsókn stendur at fáa 5,3 prosent og varðveita síni tvey umboð á tingi, meðan Sjálvstýri við 2,3 prosentum heldur ikki hesaferð sær út til at fáa umboðan á tingi."
Veljarakanningin er almenn og kann lesast á https://bladid.fo/by-date/2021-08-28#edition-article-46200