2. august 2021

§52- fyrispuringur til Kaj Leo Johannesen, landsstýrismann í heilsumálum

Bill Justinussen spyr Kaj Leo Johannesen m.a. um, hví ikki-koppsett fólk ikki sleppa at vitja síni kæru á sjúkrahúsunum?

- Er tað framvegis galdandi, at bert koppsettir borgarar kunnu vitja sjúklingar á sjúkrahúsunum?

- Hvør er orsøkin til, at ikki koppsettir borgarar sambært skrivinum frá 13. juli ikki sleppa at vitja síni kæru á sjúkrahúsunum?

- Hvør er munurin á einum koppsettum persóni og einum ikki koppsettum persóni, um báðir hava eina galdandi negativa koronu-test?

- Hvørja heimild hevur sjúkrahúsleiðslan at gera mun millum koppsettar borgarar og ikki koppsettar borgarar?

- Tekur landsstýrismaðurin undir við hesum mismuni millum føroyskar skattaborgarar?

- Fer landsstýrismaðurin at broyta treytirnar fyri, hvør kann vitja síni kæru á sjúkrahúsunum?

Viðmerkingar:
13. juli 2021 var soljóðandi skriv at lesa á heimasíðu Landssjúkrahússins:

“Smittustøðan í Føroyum í løtuni hevur við sær, at avvarðandi eru varin við at vitja innlagdar sjúklingar á sjúkrahúsinum.

Koppsettir borgarar kunnu framhaldandi vitja sjúklingar. Tó eiga koppsettir borgarar, sum hava verið uttanlands, at bíða eftir úrslitinum frá koronukanningini heimkomudagin, innan vitjað verður á sjúkrahúsinum.

Samstundis verður mint á almennu tilmælini um frástøðu og at spritta hendur, meðan vitjað verður.”

Tað hevur alla tíðina verið almenni politikkur samgongunnar, at ikki skal gerast munur á koppsettum og ikki koppsettum í landi okkara.

Skrivið frá 13. juli ger álvarsligan mun á borgarum í Føroyum, hóast allir gjalda sama skatt til somu tænastur.

Landsstýrismaðurin verður biðin um at grundgeva fyri, hví ikki koppsett verða soleiðis viðfarin av okkara sjúkrahúsverki og hví slíkur munur verður gjørdur.

Bill Justinussen, løgtingsmaður

 

Tíðindi

19. juni 2025
Barnaporno og kynslig missnýtslan vaksandi trupulleiki
Barnaporno og kynslig missnýtslan av børnum er ein vaksandi trupulleiki í Føroyum!
27. mai 2025
Tørvur á nýggjum sosial reformi
Miðfloksfólk hava altíð verði røsk at møta upp til ársfundirnar, og í ár var einki undantak.
23. mai 2025
Skráin fyri landsfundin
Landsfundur verður 23. mai
21. mai 2025
John, Tommy og Abbas.
Talan er um tríggjar kendar menn, sum eg nevni í yvirskiftini. Tveir teirra vóru í sjónvarpi Kringvarpsins í gjárkvøldið, har verturin enn e…
5. mai 2025
Tú ert ein klumpur av kyknum.
Eg og tú eru klumpar av kyknum. Støddin á klumpunum er ymisk. Men vit eru øll somul ein systematisk , fíntunað samling av livandi kyknum.