Umboðsmaðurin: Landsstýrismaðurin ger av hvør fær filmsstuðul
Landsstýrismaðurin í mentamálum hevði sín fulla rætt til at nokta teknifilmsrøðini "Skúla Scam" filmsstuðul. Tað hevur Løgtingsins umboðsmaður staðfest.
Umboðsmaðurin hevur viðgjørt eina klagu um avgerð hjá Uttanríkis- og mentamálaráðnum, at nokta stuðli til filmsverkætlanina “Skúla Scam” vegna málbrúkið í filminum.
Klagarin førdi í klagu sínari m.a. fram, at landsstýrismaðurin við sínari avgerð um at nokta stuðul til filmsverkætlanina, gekk ímóti tí, ið Løgtingið upprunaliga hevði ætlað við stuðli til slíkar filmsverkætlanir, eitt nú, at stuðul verður veittur eftir tilmæli frá yrkisfólki og óheft frá politiska myndugleikanum.
Umboðsmaðurin helt tó, at hóast okkurt kundi verið øðrvísi og betri í málsviðgerðini, so var onki at finnast at.
Tekstur: vp.fo og kvf.fo
Mynd: úr skúlascam