8. juni 2021

Áheitan á nýggja Búskaparráðið

Nýggja Búskaparráðið eigur beinanvegin at ráðgeva politiska myndugleikan um, hvussu vit fáa fleiri fólk til føroyska arbeiðsmarknaðin.

Nýggja Búskaparráðið eigur beinanvegin at ráðgeva politiska myndugleikan um, hvussu vit fáa fleiri fólk til føroyska arbeiðsmarknaðin.

Vinnuhúsið hevur afturvendandi víst á áleikandi tørvin á lættari atgongd til arbeiðsmegi.

Fleiri vinnuvirkjum vanta arbeiðsfólk. Tey finnast ikki Føroyum.

Tí eiga vit at skipa lóggávuna soleiðis, at lættari verður at fáa útlendska arbeiðsmegi til føroyska arbeiðsmarknaðin.

Fleiri avbjóðingar eru. Við núverandi lóg er toluliga lætt at fáa ES-borgarar til Føroyar at arbeiða. Men tað vísir seg, at ikki altíð er lætt at finna ES-borgarar til ómannaðu størvini.

Tað kann undra, men soleiðis er veruleikin.

Tí er neyðugt hjá arbeiðsgevarum í fleiri førum at fáa arbeiðsmegi frá londum uttanfyri ES.

Her hevur Útlendingastovan seinastu tíðina táttað í. Hetta í sambandi við, at føroysk umsiting av útlendingamálum nú verður sett í verk.

Útlendingastovan mennir føroyskar mannagongdir, sum hava við sær, at vit halda fast við skipað og javnrøtt viðurskifti fyri útlendingar á føroyska arbeiðsmarknaðinum.

Onkrar avbjóðingar eru við at fáa útlendingar til Føroyar at arbeiðs. Arbeiðs- og uppihaldsloyvini vara 1 ár í senn.

Men við verandi útlendingalóg, sum er donsk, ber til hjá einum, sum hevur fingið eitt 1-ára arbeiðs- og uppihaldsloyvi, at søkja um familjusamanføring.

Hetta er ein óheppin áseting.

Tí tá 1 ár er farið, kann henda, og tað hendir ofta, at arbeiðs- og uppihaldsloyvið ikki verður endurnýggjað. Tá skal so øll familjan av landinum aftur, tí arbeiðs- og uppihaldsloyvið hjá tí eina er útgingið.

Búskaparráðið eigur at kanna hesi viðurskifti. Hvør er tørvurin á arbeiðsmegi ídag. Hvør verður tørvurin um 5 ár, 10 ár osfr.

Farna Búskaparráð legði sera áhugaverda frágreiðing fram um tørvin á arbeiðsmegi á almenna arbeiðsmarknaðinum fyri komandi árini.

Mangt bendir á, at arbeiðsmegis-tørvurin á privata arbeiðsmarknaðinum verður eins stórur - um ikki størri.

Vit eiga tí beinanvegin at fáa politisk tilmæli um, hvussu vit lætt og smidliga fáa fatur í fleiri hondum til arbeiðis, hvussu hetta kemur at ávirka samfelagið og hvørjar lógarbroytingar eiga at gerast.

Bill Justinussen

Tíðindi

1. juni 2021
Vit endurgeva
Grein á Vágaportalinum 31. mai 2021, sum vit endurgeva.
28. mai 2021
Almennur censurur??
Nøkur meina, at um ein landsstýrismaður noktar at lata almennar skattakrónur til eina filmsverkætlan, so er talan um censur.
18. mai 2021
Serstøk forsíðumynd
Ikki á hvørjum degi at føroyingur er á danskari forsíðu
18. mai 2021
Jenis í góðum selskapi
Jenis av Rana, formaður Miðfloksins, og Uttanríkis- og mentanarráðharri hevur í hesum døgum verði í Danmark á fundum.
17. mai 2021
Jenis av Rana hitt Antony Blinken
Fyrrapartin var Jenis av Rana, landsstýrismaður í uttanríkismálum, á fundi við amerikanska uttanríkisráðharran, Antony Blinken.