29. august 2019

KILPP ...

Sitandi samgonga hevur lagt fleiri og fleiri avgjøld á vinnu og borgara. Nú nærkast vit aftur markinum fyri, at fólk tíma at taka eyka tøk.

Hvussu fíggja vit øll vallyftini, verður spurt í hesum døgum. Miðflokkurin hevur nøkur vallyfti, sum kosta pengar. Men tað er ikki so trupult at svara fyri, hvussu tey verða fíggjað. Vit lova, at samhaldsfasti skal gerast skattafríur. Tað kostar umleið 200 mió. krónur. Tað merkir, at pensionistar fáa 200 milliónir meiri at liva fyri árliga. Ella 16,6 milliónir um mánaðin. 

FÍGGING
Tann fyrsta mánaðin fáa pensionistar sostatt umleið kr. 2.000 meiri at liva fyri í januar mánaða 2020. Sjálvsagt um Miðflokkurin fær góða undirtøku til valið leygardagin. Hesar 2.000 krónurnar fara pensionistarnir at brúka. Teir fara at keypa brúksvørur. Av hesum keypi fær landskassin beinanvegin 20% í mvg, tað vil siga 400 krónur. Eisini keypa pensionistarnir olju, bensin og aðrar avgjaldsvørur fyri pengarnar. Latið okkum siga, at hetta svarar til 200 krónur. Handlar og veitarar selja vørur og tænastur til pensionistin. Tað skapar vinning í vinnulívinum. Av vinninginum gjalda privatar fyritøkur 40% í skatti og feløg 18%. Latið okkum siga, at skattur hjá vinnuni verður í miðal 25% av teimum 1.400 krónunum, sum ikki longu eru farnar til mvg og avgjøld. Tað gevur 200 krónur. Handlar og fyritøkur brúka eisini vunnu pengarnar til at økja um virksemið og keypa inn frá øðrum veitarum. Og soleiðis kunnu vit halda fram. 

KLIPPA HVØRJUMØÐRUM
Búskaparfrøðingar plaga siga, at tað ber væl til at liva av at klippa hvørjumøðrum. Tað er lutvíst rætt. Men uttan vørur og útflutning hava vit ongan valuta og onki fæ at seta í umferð. Tí eru fiski- og alivinnan grundvøllurin, sum allur búskapurin byggir á. Men sera nógv virksemi í landinum livir av krónum, sum verða brúktar aftur og aftur. Tí ein króna kann brúkast fleiri ferðir. Og skjótari, hon er í umferð, oftari kann hon brúkast og skapa virksemi. Búskapurin stagnerar og stirvnar, tá øll fara at spara upp og leggja hald á krónurnar, sum skulu skapa virksemi og búskap.

Fíggingin av vallyftum um skattalættar liggur fyri ávísan part í peningaumferðini. Hetta hava vit sæð bæði umvegis flat-skattin, sum undanfarna skatta veitt og skattalættan, sum sitandi samgonga hevur veitt.

Sitandi samgonga hevur lagt fleiri og fleiri avgjøld á vinnu og borgara. Nú nærkast vit aftur markinum fyri, at fólk tíma at taka eyka tøk. Og tí má inntøkupolitikkurin komandi tíðina snúgva seg um at veita skattalættar, sum vilja halda góðu gongdini í samfelagnum uppi.

Bill Justinussen

Tíðindi

17. september 2019
"Nýggj" andlit í Løgtinginum
Tá ið Løgtingið kom saman í dag vóru "nýggj" andlit at síggja í sessunum hjá Miðflokkinum.
29. august 2019
Seinheilaskaði og hvat so?
Tað tykist tí hugstoytt, at alt meðan sólin hevur skinið so fagurliga í Føroyum, sum til er blivið tikið av sitandi samgongu, eru mong, ið i…
27. august 2019
Barnarættindi fram um vaksnamannarættindi
Fyri Miðflokkin ganga rættindi hjá børnum framum rættin hjá vaksnum. Einfalda orsøkin er, at børn eru veikari enn vaksin. Tað er ikki í hond…
22. august 2019
Kanningar hjá SEV eru gjørdar av serfrøðingum við integriteti
Tað er ikki sørt hástórt av stjóranum í Magn at kalla kanningar á elorkuøkinum fyri "bílagdar kanningar av SEV". Talan er um kanningar, har…
21. august 2019
Rættvísari vegskattur
Vegskattur - ein eykaskattur, ið ger ov lítlan mun á vegakervinum