Hvussu vit fara við teimum allar veikastu og teimum sum koma skeivt fyri í lívinum, sigur sera nógv um okkum sum samfelag. Eisini hvussu vit fara við teimum, sum eru dømd at sita í fangahúsi.

Tað er ikki rætt, at vit senda føroysku fangarnar av landinum, inn í harða fongsils-umhvørvið í Danmark. Tað einasta rætta er, at vit fáa bygt eitt nýtt fangahús í Føroyum, soleiðis at vit fáa pláss fyri øllum fangunum her heima.

Ein “hensigtserklæring”, um at nýtt fangahús skal standa í Føroyum í 2030, er gjørd við donsku stjórnina. Tó kann nógv broytast, bæði politiskt og fíggjarliga, komandi árini. Eg fari at stríðast fyri, at fangahúsið blívur til veruleika skjótast gjørligt.

Steffan Klein Poulsen
Valevni fyri Miðflokkin til Fólkatingsvalið 2022