Valskrá til Fólkatingsvalið
Miðflokkurin hevur lagt greiða og sterka valskrá fram í dag
Í dag var tíðindafundur í Norðurlandahúsinum, har Miðflokkurin legði sína valskrá fram í samband við Fólkatingsvalið.
Við Miðflokspolitikki á Fólkating
1: Við Miðflokkinum veit veljarin, hvønn politik, hann fær.
2: Miðfloksrøddin á fólkatingi fer at boða og verja, at sum mann og kvinnu skapti Gud menniskjað:
- Støðan í dag er, at sálartrupulleikar økjast millum børn og ung, skúlaaftran gerst vanligari og vanligari, tey gerast strongd!
- Pisakanningar eru orsøkin, siga nøkur. Landsroyndirnar siga onnur.
- Vit í Miðflokkinum undrast ikki at børn og ung eru í villareiði- hava trupulleikar, gerast strongd! T.d. børn frá hjúnaskilnaði, skulu velja millum mammu / ella pápa- og nú fáa tey enntá at vita, at fleiri kyn eru, og at tey sjálvi kunnu avgera sítt.
3: Geopolitiski veruleikin krevur, at vit fyrireika okkum at yvirtaka verju,- trygdar og uttanríkismál. Útbúgva serkunnleika innan økið.
4: Miðflokkurin vil hava betri samband millum tann, ið verður vald(ur) at røkja fólkatingssessin- og heimliga politiska landslagið!
5: At velja Miðflokspolitik inn á fólkating vil m.a. siga:
- Velja eina djarva kristna rødd á fólkating, eina rødd, ið verjir kristnu virðini og kristna menniskjasýnið og boðar stóra virði menniskjans í eygum og hondum Guds.
- At vit taka tað góða, ið eyðkennir føroyska samfelagið inn á fólkatingi. Danir og aðrar tjóðir kunnu frætta um, læra av og gera gagn av føroyska fyrimyndarliga samfelagnum.
- At velja eitt umboð, ið altíð verður til staðar á folkatingi, aktiv við í kjakinum, setir fram uppskot og fyrispurningar á jøvnum fóti við danir.
- At velja eina rødd á fólkating, ið verjir ófødda barnið og foreldur tess.
- Eina rødd, ið boðar tað mótsatta av boðskapinum “Amnesty” og líknandi felagsskapir boða.
- Eina rødd, ið talar søk Ísraels á fólkatingi.
- Eitt umboð, ið leggur seg eftir at røkja føroysk áhugamál í DK, m.a. við tí peningajáttan, umboðini fáa at ráða yvir.
6: Miðflokkurin fer at gera upp við ódemokratisku peningaliga stuðulsskipana, sum verður brúkt til at veita flokkunum stuðul at reka valstríð við.
Set krossin rætt. Vel Miðflokkin.