Í dag var politiskur kjakfundur í Miðnámsskúlanum á Kambsdali, sum næmingaráðið har skipaði fyri. Ítróttarhøllin var karmur fyri vælupplagdum ungdómspolitikarum umboðandi allar flokkar - uttan Sambandi.

Kjakast var um fosturtøku, LGBT, loysing/samband, umhvørvið og javnstøðu í landsstýrinum. 

Steffan Klein Poulsen umboðaði Miðflokkin, og førdi fram sjónarmiðini hjá flokkinum á ein sakliga og sannførandi hátt.

Eftir kjakið og spurningar úr fjøldini var høvi hjá næmingum at hitta politikarnar, og her nýttu fleiri næmingar høvi at heilsa uppá Steffan og sigast má, at stórur áhugi er fyri Miðflokkinum.