6. august 2019

Tað ber væææl til!

Tað er gleðiligt, at fleiri nú siga seg taka undir við almenna bústaðabankanum.

Tað ber væl til at seta ferð á bústaðarbygging í Føroyum. Tað einasta, sum krevst, er ein banki, sum er sinnaður at læna fólki peningin.

Tí skjýtur Miðflokkurin upp at stovna ein almenna bústaðabanka. Ja, vit hava longu skotið hetta upp við løgtingsmáli nr. 52/2018. Tað er gleðiligt, at fleiri nú siga seg taka undir við almenna bústaðabankanum.

“Jamen, tað er ov stórur váði fyri landskassan”, siga summi. Nei, tað er tað ikki. Gransking vísir, at tryggasta íløgan av øllum er í bústaðir. Tað merkir, at lán, sum tað almenna letur til bústaðir, verða afturgoldin, bara landskassin hevur neyðuga tolið. Og tað hevur landskassin, tí hann skal bara eiga pengarnar. Hann skal í grundini ikki brúka pengarnar, sum skulu tryggja minsta innlán landskassans.

Og lán til bústaðir er ikki útreiðsla. Tað er lán, sum verður afturgoldið.

Ístaðin fyri at goyma almennar pengar í útlendskum virðisbrøvum og grunnum, sum í sínum lagi læna pening til bústaðabygging í útlondum, er munandi betri, at landið lænir almennu pengarnar til bústaðir í Føroyum. Tí, sum sagt, pengarnir standa tryggir í bústøðum; teir fara ongan veg og verða afturgoldnir.

Fólk og familjur, sum í áravís hava bíðað eftir bústaði, fara ikki at bíða leingi við at seta gongd á húsabygging, fáa tey lán. Tí skal berast skjótt at og stovna Føroya Bústaðabanka. Tørvurin er bráneyðugur og fólk kunnu ikki bíða longur.

Okkara grannalond hava fleiri ymisk amboð at stuðla upp undir bústaðabygging. Vit hava so at siga onki og lata alla uppgávuna yvir til privatu peningastovnarnar. Sjálvandi skulu almennu Føroyar eisini hava virknan lut í at gera tað møguligt hjá familjum við lág- og miðalinntøkum at fáa egið tak yvir høvdið.

Tað ber væææl til!

Bill Justinussen
Valevni fyri Miðflokkin

Tíðindi

19. november 2019
Munnligur fyrispurningur til Kaj Leo Holm Johannesen, landsstýrismann, um fosturtøku.
Steffan Klein Poulsen setur munnligur fyrispurningur til Kaj Leo Holm Johannesen, landsstýrismann í heilsumálum, um fosturtøku.
2. oktober 2019
Fyrispurningur um tunlarnar norður um Fjall
Fyrispurningur um tunlarnar norður um Fjall, settur landsstýrismanninum í fíggjarmálum, Jørgen Niclasen (at svara skrivliga eftir TS § 52a)
24. september 2019
Samrøða við Jenis av Rana
Hoyr samrøðu sum Góðan Morgunsendingin hjá KVF hevði við nýggja landsstýrismannin í uttanríkis- og mentamálum.
23. september 2019
Rani A. Skaalum á ting
Okkara sætti maður hevur tikið sæti á Føroya Løgtingi.
22. september 2019
SAMHALDSFASTI OG SKATTASKIPANIN
Stóra misskiljingin er, at samhaldsfasti ikki er eins samhaldsfastur tann pensjónsskipanin, sum hann ætlandi skuldi avloysa.