26. juni 2019

Skulu hava rætt og møguleikan at byggja uttanfyri Havnina.

Tí eingin ivi skal vera um, at tað eigur ikki at vera peningastovnarnir, ið stýra skulu hesum landi.

Skulu hava rætt og møguleikan at byggja uttanfyri Havnina.

Alment hevur verið frammi, at tað er ómetaliga trupult hjá fólki, ið ætla at byggja sær hús á bygd, at fáa lán frá peningastovninum.

Sagt verður, at ein av orsøkinum til hetta er, at marknaðarvirði á húsum á bygd er munandi lægri enn á húsum í Havnini.

At peningastovnarnir, eftir øllum at døma, eru trekir at veita fígging til bygging av húsum á bygd, ella uttan fyri høvuðsstaðarøkið, er bæði harmuligt og átaluvert!

Heldur hendan gongdin fram, ja, so er ikki ringt at ímynda sær, at miðsavnanin(sentraliseringin) tekur dyk á seg.

Tað kann ikki vera rætt, at peningastovnarnir á hendan hátt, í roynd og veru, forða fólki í at búseta seg á bygd og sostatt stýra bústaðarmynstrinum í Føroyum.

Um peningastovnarnir ikki sjálvir taka annað skinn um bak, so mega onnur átøk til!

Tí eingin ivi skal vera um, at tað eigur ikki at vera peningastovnarnir, ið stýra skulu hesum landi. Fara teir út um mark – Ja, so er tað skylda hjá politiska mynduleikanum at fáa peningastovnarnar at rætta kósina.

Hetta er nakað sum komandi landstýri/løgting eigur og skal leggja sær í geyma.

Tordur J. Niclasen

 

Tíðindi

18. juli 2019
Tekning hjá Óla P
So er, so er
17. juli 2019
Serlæknar til tey eldru
Undrunarvert at júst henda sergrein hevur fingið so lága politiska raðfesting.
13. juli 2019
Hann tók eina skilagóða avgerð
Eitt stófingið tilboð, sum varð val fagnað av læknum og øðrum heilsustarvsfólki, sum vita hvønn týding slíkt samstarv kundi havt fyri so mon…
8. juli 2019
Kristina Háfoss: Tað verður bygt land - kring alt landið
Fyrispurningur frá Bill Justinussen, løgtingsmanni, settur Kristinu Háfoss, landsstýriskvinnuni í fíggjarmálum, um skattainntøkur og løguútr…
6. juli 2019
Tørvur á at leggja á annan bógv
Eg eri Anna Margretha Otthamar og stilli upp til komandi løgtingsval fyri Miðflokkin.