29. apríl 2019

Steffan Klein Poulsen stillar upp fyri Miðflokkin

- Eg havi tó ikki verið tann, sum hevur rópt hart og verið politiskt virkin. Enn...

Eg havi havt sera stóran áhuga fyri politikki í fleiri ár. Mær hevur dámt væl at fylgt við í tí, sum gongur fyri seg í løgtinginum, at vera partur av orðaskifti um ymisk samfelagsmál og annars eygleitt ta kós, ið samgongur hava sett. Eg havi tó ikki verið tann, sum hevur rópt hart og verið politiskt virkin. Enn... Men tá ið umboð fyri Miðflokkin fyri tíð síðani heitti á meg um at stilla upp, valdi eg at taka av.

Eg eri 23 ára gamal, føddur og uppvaksin í Hvannasundi. Í løtuni lesi eg búskaparfrøði á Fróðskaparsetri Føroya, eftir at hava lokið Handilsskúlan á Kambsdali. Búskapur og samfelagið sum heild hevur mín áhuga. Eg dámi serliga væl at seta meg inn í ymiskar ósemjur, royna at skilja tær og síðani hugsa eina góða loysn inn í støðuna.

Eg eri sera fegin um at kunna stilla upp fyri Miðflokkin, tí virðir sum at verja ófødda barnið, hjúnabandið og líknandi áskoðanir eri eg púra samdur í. Eg síggi hetta tí sum ein góðan møguleika til at stríðast fyri, at vit í Føroyum tora at halda fast við slík virðir og ikki loyva øllum rákum at festa røtur her hjá okkum. Serliga er tað ófødda barnið, ið liggur mær tætt at hjarta, og hevur gjørt tað leingi. Hesin minnilutabólkur fær jú ikki vart seg sjálvan á nakran hátt. Tí vil eg, saman við Miðflokkinum og øðrum, ið deila hesa hugsjón, gera mítt til at verja ófødda barnið.

Eg síggi gjarna samfelagið taka hond um tey veiku. Eingin ivi um tað. Eitt mark má tó vera fyri hvussu nógv landið skal stýra og stuðla borgaranum, tí hetta kann skjótt gerast ein sovipúta hjá okkum borgarum. Eg trúgvi upp á frælsi og frían vilja innan skilagóðar rammur. Borgarin hevur í fleiri støðum vit og skil til at klára seg sjálvan, og skal hetta tí eisini vera møguligt. Millum annað familjan, ið er ein hornasteinur í okkara samfelag, skal hava frælsi til at virka í einum góðum og tryggum heimi, har foreldur veruliga fáa loyvi at taka sær av sínum børnum og nærmastu. Jú, vit hava almennar stovnar, so sum barnagarðar og skúlar, ið eru góðir fyri okkum, men eg trúgvi at eitt gott bakland er minst líka umráðandi fyri børnini.

Tíðindi

18. juli 2019
Tekning hjá Óla P
So er, so er
17. juli 2019
Serlæknar til tey eldru
Undrunarvert at júst henda sergrein hevur fingið so lága politiska raðfesting.
13. juli 2019
Hann tók eina skilagóða avgerð
Eitt stófingið tilboð, sum varð val fagnað av læknum og øðrum heilsustarvsfólki, sum vita hvønn týding slíkt samstarv kundi havt fyri so mon…
8. juli 2019
Kristina Háfoss: Tað verður bygt land - kring alt landið
Fyrispurningur frá Bill Justinussen, løgtingsmanni, settur Kristinu Háfoss, landsstýriskvinnuni í fíggjarmálum, um skattainntøkur og løguútr…
6. juli 2019
Tørvur á at leggja á annan bógv
Eg eri Anna Margretha Otthamar og stilli upp til komandi løgtingsval fyri Miðflokkin.