10. januar 2019

Almenn áheitan á Høgna Hoydal

Sum ein av teimum 18, ið tóku undir við nýggju fiskivinnunýskipanini, heiti eg staðiliga á landsstýrismannin í fiskivinnumálum um at steðga við at bjóða veiðirættindi út á afturlatnari uppboðssølu.

Í mini verð eitur onki afturlatin uppboðssøla, tí sjálvt hugtakið uppboðssøla inniheldur opinleika og gjøgnumskygni.

Á afturlatnari uppboðssølu fær tann, sum gevur boð, ikki høvi at reagera upp á boðið hjá øðrum, og tí er talan als ikki um uppboð.

Á eini uppboðssølu er tvingandi neyðugt, at tey bjóðandi vita, hvørjum tey eru uppi ímóti, og hvussu høg mótboðini eru.

Sambært Sprotanum er allýsingin av orðinum uppboð: almenn søla har ið tann sum býður hægst fær vøruna, uppboðssøla, søluuppboð, auktión, keypa el. selja á uppboði.

Gjøgnum alt uppskotið um fyrisiting av sjófeingi verður orðingin “at bjóða út á uppboði” brúkt.

Tað kann als ikki pilkast við ta sannroynd, at tá løgtingsfólk hava viðgjørt uppboðssøluna, hava øll havt somu fatan av hugtakinum uppboðssøla, nevniliga hana, sum Sprotin so væl allýsir.

Tí kann tað lættliga skiljast sum, at landsstýrismaðurin nú toyggir og boyggir eitt hugtak og eina skipan, sum øll inntil nú hava havt somu fatan av.

Bill Justinussen, løgtingsmaður

Tíðindi

21. mars 2024
Ein til tann komandi føroyingin ..
Røðan hjá Jenis Kristjan Av Rana um at verja ófødda barnið.
21. mars 2024
Verja ófødda barnið
Røðan hjá Steffan Klein Poulsen 21. mars 2024
6. mars 2024
Valdagurin er dagur barnsins!
Stúran og ótryggleiki merkir dagarnar, nú uppskot er á veg, sum ætlanin er skal taka rættin til lívið frá ófødda barninum
10. januar 2024
Enn eitt álop frá ”javnstøðunevndini” á ófødda barnið
”Javnstøðunevndini” dyljur ikki politiskt litaða virksemi sítt.
8. januar 2024
Ein sorgardagur
Í okkara daprastu stúranum droymdu vit í Miðflokkinum ikki um, at hetta kundi gerast úrslitið.