18. september 2018

Munnligur fyrispurningur til Henrik Old, landsstýrismann í samferðslumálum

Hví hevur løgmaður ikki kallað andstøðuleiðararnar til fundar um verkætlanina í summar, eins og samgongutinglimir hava lovað?

1.     Hvat er innihaldið í semjuni, sum samgongutinglimir siga er gjørd um at gera tunlar Norð um Fjall?

2.     Er semjan skjalfest og undirskrivað? Og hvørji tingfólk standa aftanfyri semjuna?

3.     Hvussu ætlar samgongan at tryggja sær, at ein komandi samgonga fer at fremja verkætlanina so skjótt sum Hvalbiartunnilin er boraður ígjøgnum?

4.     Hví hevur løgmaður ikki kallað andstøðuleiðararnar til fundar um verkætlanina í summar, eins og samgongutinglimir hava lovað?

 

Undir orðaskiftinum um uppskotið frá andstøðuni um tunlar Norð um Fjall boðaðu samgongutinglimir frá, at semja nú er í samgonguni um verkætlanina. Sum skilst, snýr semjan seg um, at ætlandi skal byrjast at gera tunlar Norð um Fjall, tá liðugt er at bora Hvalbiartunnilin.

Nú er í mesta lagi minni enn eitt ár, til val verður og nýggj stjórn tekur við. Eftir nevndu tíðarætlan verður sostatt ikki byrjað uppá at gera tunlar Norð um Fjall í hesum valskeiðnum, og tí kann tað undra almikið, at semja er um, hvat ein nýggj samgonga skal takast við. Tí er onki skrivligt komið fram um innihaldið í semjuni, ei heldur, hvørji tingfólk standa aftanfyri semjuni.

Eitt kann tó staðfestast: lyftini, sum samgongutinglimir góvu andstøðutinglimum í seinastu tingsetu um, at løgmaður fór at kalla andstøðuleiðararnar á fund fyri at finna breiða semju um verkætlanina, eru brotin. Ongin innkalling er komin frá løgmanni og ongin breið semja er funnin.

 

Bill Justinussen

 

Tíðindi

16. oktober 2018
Vit tryggja lív á Landssjúkrahúsinum
Miðflokkurin saman við Sambandsflokkinum tryggjaðu Landssjúkrahúsinum eina eyka eykajáttan á 14 mió kr.
18. september 2018
Tørvur er á politikki, sum megnar at fylgja við tíðini
Munnligur fyrispurningur til landsstýrismannin í bústaðarmálum
12. september 2018
§52a-fyrispurningur til Henrik Old, landsstýrismann
Bill Justinussen spyr Henrik Old, landsstýrismann, millum annað um tunnil til Fámjins veður gjørdur, áðrenn farið verður undir Dals-tunnilin…
5. juni 2018
- Hetta man vera toppurin av hykli!
Samrøða við Jenis av Rana um kannabis málið.
16. apríl 2018
Hvat bagir Kringvarpinum?
Eg havi av og á samband við kringvarpið og tey, ið har starvast. Sum heild bæði fitt, fyrikomandi, blíð og arbeiðssom.