8. mars 2018

Hybridbilar frítakast fyri MVG

Hybridbilar skulu javnsetast við el-bilar, og harvið eisini sleppa undan meginpartinum av meirvirðisgjaldinum, tað heldur Miðflokkurin

Miðflokkurin hevur lagt lógaruppskot fyri løgtingið um at broyta mvg-lógina. 

Í fjør samtykti løgtingið, at tey sum keypa ein el-bil áðrenn 1.januar 2019, skulu fáa upp til 70.000 krónur av meirvirðisgjaldinum endurgoldið. Tað skal fáa fleiri at keypa elbilar, heldur enn bensin- ella dieselbilar.

Tá mælti minnilutin í fíggjarnevndini til at broyta uppskotið til eisini at fevna um hybridbilar, men meiriluti var ikki fyri tí.

Miðflokkurin ger nú eina roynd at broyta lógina, soleiðis at hon eisini skal eggja fólki til at keypa sær hybrid bilar og sonevndar "hybrid plug-in" bilar.

Ein hybrid bilur løðir, meðan hann koyrir, meðan ein hybrid plug-in eisini kann løðast, eins og ein elbilur.

Miðflokkurin vísir á, at vaksandi eftirspurningur er eftir hybridbilum. Sambært sølutølunum hjá Reyni Service, sum selir flestar hybridbilar, var stívliga triði hvør nýggi bilur frá teimum í fjør ein hybridbilur.

Eisini skjýtur Miðflokkurin upp, at mvg-frítøkan skal vera galdandi til 1. januar 2020.

Kelda og mynd: kvf.fo

Tíðindi

7. mai 2019
Fráboðan frá Miðflokkinum um fólkatingsvalið
Leiðslan í Miðflokkinum hevur í dag tikið avgerð um, at Miðflokkurin ikki fer at stilla upp til fólkatingsvalið.
29. apríl 2019
Steffan Klein Poulsen stillar upp fyri Miðflokkin
- Eg havi tó ikki verið tann, sum hevur rópt hart og verið politiskt virkin. Enn...
26. apríl 2019
Superstjórin – alt til Havnar
Tað eru alt ov nógvir politikkarar, sum halda, at alt alment virksemi liggur best í høvuðsstaðnum. Og tað er lættasta søk á verðini at grund…
25. apríl 2019
Halt fæst við tað, tú sær!
Flaggdagsrøðan hjá Jenisi av Rana, sum hann helt í Famjin seinnapartin í dag, á 100 ára degnum fyri Merkinum.
17. apríl 2019
Søk teirra óføddu í Norðurlandaráðnum
Jenis av Rana, formaður Miðfloksins, helt røðu í Norðurlandaráðnum fyrr í apríl mánaði. Her fekk hann høvi at tala søk teirra óføddu.